068. திருக்கண்டங்கடிநகர்

                                                         நீலமேகம், திருக்கண்டங்கடிநகர் (தேவப்ரயாகை)

திருத்தல இருப்பிடம்: இந்தியாவில் திருக்கண்டங்கடிநகர், ஹரித்வாரிலிருந்து பத்ரிக்குச் செல்லும் வழியில் 93 கி.மீ தொலைவில் உள்ளது. அலகாநந்தா நதியும் பாகீரதி நதியும் சங்கமம் ஆகிற புண்ணிய தலம் இது. சமுத்திர மட்டத்திலிருந்து 1700 அடி உயரத்தில் உள்ளது. ரகுநாத்ஜி மந்திர் என்றால் தெரியும்.

விமானம்    :    மங்கள விமானம்

மங்களாசாசனம்:    பெரியாழ்வார் - 11 பாசுரங்கள்

தலச் சிறப்புகள் : மூலவர் நின்ற கோலத்தில் கிழக்கு நோக்கி சேவை சாதிக்கிறார். இங்குப் பெருமாளை ரகுநாத்ஜி என்று அழைக்கிறார்கள். இங்கு ஸ்ரீசக்கரவர்த்தித் திருமகன் எழுந்தருளியிருக்கிறார். கோவிலுக்கு பின்புறம் சிறிய அளவு ஹனுமார் சேவை சாதிக்கிறார்.

இவ்விடத்தில் நாம் அன்னதானம் செய்தால் மிகவும் பலன் அளிக்கும். இறைவனை காலை 6.00 மணி முதல் 12.00 மணி வரையும், மாலை 5.00 முதல் 9.00 மணி வரையும் சேவிக்க முடியும். மேலும், பத்ரிநாத், காலபைரவர், மஹாதேவர், ஹனுமார் முதலியோரின் அழகான மூர்த்திகளும் உள்ளன.