கொடுவாய்

தல சிறப்புகள் :  கொடுவாய் நாகேஸ்வர சுவாமி ஆலயத்திற்கு ஒருமுறையாவது சென்று வருவதென்பது கயிலாயத்தின் கதவுகளை தொட்டு வருவதற்கு சமம் என்று சொல்லப்படுகிறது.

கோவில் அமைப்பு : கற்றளியாலான கோயில் இது கி.பி.12ம் நூற்றாண்டில் உருவாக்கப்பட்டது. இறைவனுக்கு வலதுபுறம் கோவர்த்தனாம்பிகை எனும் பெயருடன் வீற்றிருக்கிறாள் தேவி. ஆவுடை நாயகி என்ற பெயரிலும் இவளை அழைக்கிறார்கள். ஈசனின் வலதுபுறம் அமர்ந்திருப்பதால் கோவர்த்தனாம்பிககையை வணங்கினால் சீக்கிரமே திருமணத்தடை விலகுகிறதாம். அம்மன் சன்னதி அருகே முப்பது வருடங்களுக்கு முன் தோன்றிய நாகப் புற்று ஒன்று இருக்கிறது. செவ்வாய் மற்றும் வெள்ளிக் கிழமைகளில் இந்தப் புற்றை வணங்கினாலும் ராகு தோஷம் நிவர்த்தியாகுமாம். அரிதாக சில சமயம் இந்தப் புற்றிலிருந்து நாகம் வெளிப்படுவதைப் பார்த்திருப்பதாகச் சொல்கிறார்கள், அடிக்கடி இத்தலம் வரும் பக்தர்கள். பிரம்மனே இங்கே வன்னிமரமாக இருப்பதாக ஐதிகம். பஞ்ச பாண்டவர்கள், துரியோதனன் அறியாவண்ணம் வன்னி மரம் ஒன்றில்தான் ஆயுதங்களை மறைத்து வைத்தனர். காலை எட்டு மணியில் இருந்து ஒன்பது மணிக்குள் இந்த வன்னி மரத்தை பன்னிரண்டு முறை சுற்றி வந்தால்  தோஷம் நீங்குமென்பது நம்பிக்கை.